ابسألك حبي يهون؟!

[رفيـ الشان ــع]

ابسألك حبي يهون ؟!
والا جفتك العاطفه
واجتاح قلبك عاصفه
وتزلزل العش الصغير
واستتنزف الحب الكبير
وتذكر اوجاع وطعون
من غدر سكين الحياه
ومن كثر صدمات بغلاه
ومن كثر ماحب بجنون
مسكين يالحب الكبير
مهما يشيح بنظرته
صعبه يطمن نبضته
حاول وحاول ولاقدر
يغير احساسٍ ومصير
ابسألك؟!
ابسألك؟!
نفرض تزلزل خافقك
من اجتياح العاصفه ؟!
والا خذلتك العاطفه ؟!
في ذمتك حبي يهون؟!
وترتاح من شوفي العيون ؟!

2


تزلزل العش الصغير
واستوحش الحب الكبير
لحظه تلاشى نبضته
ولحظه تعانده وتزود
مره تحده للفراق
ومره تحثه للصمود
كنه رهن روحه لأمل
وكل الأمل اللي يبيه
تبقى بقايا فرحته
وده ظنونه كاذبه
دام الظنون الصادقه
كلمه ومعناها كبير
كلمه تمنى ماتصير
كلمه تحدد هالمصير
( حان الفراق )
ابسألك ؟!
لو هي ظنونه صادقه ؟!
لو حطمتها العاصفه؟!
ابسألك ؟!
ابسألك؟!
نفرض تتوهني الظنون ؟!
مدري اكون او لا اكون ؟!
لو هي ظنوني صادقه ؟!
بذمتك حبي يهون ؟!
وترتاح من شوفي العيون ؟!

3

تزلزل العش الصغير
وتكلم الحب الكبير
ومن اخر اعماقه هتف
كذب .وجحود
لا
لا مأعتقد
مأعتقد عش ٍ صغير
في باطنه نار وسعير
ماعتقد. مأعتقد
ادري محال
يمكن غريزه تايهه
تاهت ونماها الوصال
الي وهمها بالغرام
لكن اذا غاب بيضيع
في نزوته حب الخيال
ولا يلام
اليا غفاالوصل وذبل
تحس بأحساس ٍ غريب
وهم . وخيال العاطفه
كل المشاعر خايفه
تسهر تحس انك وحيد
واليا انتها بك هاجسك
تبداء الهواجس من جديد
واليا انقطع حبل الوصل
تنسى غلاك
تنسى حبيب (ن) ٍ مانساك
وينقص غلا منهو بعيد
تنسى غرامك ياغرير
يرجع الى حد الصفر
من بعد ماكان الغزير
كله وهم
حتى الغلا يبدا يقل
وكل الوفاء يبدا يقل
حتى الامل يبدا يقل
ويلاه ياليتك تحس
هذا فراغ العاطفه
كل ٍ يظن انه يحب
وكله خيال ٍ في خيال
يرسم ملامح للوجود
وكله جحود
في نزوته عشق الجنون
وفي ذروته شي ٍ محال
تصدقين
صدمه ومنك صدمتين
ماخاب ضني للأسف
بداخلك غاب الحنين
سلم شعوره للسنين
وتاه الوفا
ونور الغلا غاب وكسف
ياللأسف
قلبك من اعماقه جريح
ليته كثر توهه صريح
ياما خذلك وجرحك
ليته في مره فرحك
يبقى محال
ليتك تحس وتستريح
والا انا
حتى الوصال
ماعاد يعنيني وصال
يعني تغيرنا السنين؟!
يعني يكذبنا الحنين؟!
ليتك تعزي نبضتك
عن زيف هفوات السنين
ابسألك ؟!
ابسألك؟!
ولنفرض احساسك خيال ؟!
لو هو فراغ ٍ واحتمال؟!
في نزوته عشق الجنون؟!
وفي ذروته شي ٍ محال ؟!
في ذمتك حبي يهون ؟!
وترتاح من شوفي العيون ؟!

4

تبعثر العش الصغير
وتلعثم الحب الكبير
وفجاءه حوته العاصفه
وتناثر اعواد وحصير
ومعها تناثر هالخفوق
وتلاعبت فيه الرياح
وضيعت كل الكفاح
تحطم الحب الكبير
ولملم جناح ٍ كسير
وحرك جناحه وطار
ريح ومتاهات وغبار
ولا له امل انه يطير
يكفخ وتلفحه الهبوب
تلعب به شمال وجنوب
ولاهو مهم
كله امل
لو يصدق بعمره امل
لو يلمح العش الصغير
ليته يشوفه لو قدر
لو هو يصير الي يصير
ليته يشوفه لو يموت
ولا له امل
كله عتام(ن) ٍ في عتام
اهات وجراح وظلام
حاول ولكن للأسف
مافي امل
ليته يشيله لو قدر
ويسكن به رياض وعبير
فكر ٍ تخايل له وراح
وتكسر جناحه وطاح
وضاع الأمل
لو هو تمنى هالأمل
واستوطنت فيه الجراح
من غير طعنات الغرام
زادته طعنات الرياح
وفجاءه هدت هالعاصفه
وصوته هتف
بداخله يمكن هتف
ربي طلبتك يامجير
كله ولا العش الصغير
كله ولا العش الصغير
لكن حسافه للأسف
ماله وجود
هنا عود
وهنا عود
وهنا بقايا تناثرت
وهنا غصون تبعثرت
فاضت ملامح مدمعه
ليته قدر لو يجمعه
ليته قدر
ليته ولكن للأسف
مافي امل يرجع ابد
دامه تناثر وابتعد
ولا له بقايا بالوجود
ابسألك ؟!
ابسألك؟!
لو هو انا العش الصغير ؟!
لوني من اعواد وحصير ؟!
واهديت لك كل الأمان؟!
كل الوفا وكل الحنان ؟!
بذمتك حبي يهون ؟!
وترتاح من شوفي العيون ؟!

5

تشتت العش الصغير
وتجرح القلب الكبير
وساد السكون
من بعد هااك العاصفه
تكسرت كل الغصون
صمت وجروح (ن) ٍ نازفه
واحساس اغرقه الشجون
وفجاء صرخ صوت الغرام
كنه يهاجم هالسكوت
ولا يلام
دام الغلا الصادق يموت
نزوة مشاعر جامحه
هزت معايير الثبوت
قال انتظر منهو تكون؟!
نبضك . حياتك .موطنك
شلون تنساه وتطير؟!
انا بنيته وعارفه
هو مسكني
انا بنيته من شقاي
اانا سقيته من غلاي
وياما سقاني من دفاه
وياما عطيته من دفاي
ايه اعشقه هذا المكان
كل الزوايا ذكريات
وكل الأماكن امنيات
تاهت وتاه ابها جفاي
لكن تحدانا الزمان
وحطمه
وحطم احساسي معه
وضاع الحنان
وضاعت معايير الأمان
ماظن جرحي يندمل
دامه رحل
وشلون بحيا واستمر
وشلون حتى بأستقر
وانا الأسير وانت الأسير
وشلون لا زاد النزيف
لاعشت في دار الضياع
وكل ماجرعه جمر الوداع
لاتساقط اوراق الخريف
وببقى من اسبابك ضرير
ليت الأمل يصدق معاي
حتى ولو هو ماعطا
يكفي الوفاء فينا سطا
وليته وفاء
معنا وصدق
ليته صدق
ولا ننخدع ثاني
ولاننجرح ثاني
ولا ننصدم ثاني
يكفي تحملت العذاب
وفضت بي
ومافضت بي الا بعشقه يالأسير
لعشقي العش الصغير
مافضت بي
الا بحبي لها الوطن
قلت الوطن يعني سجن؟!
قال الوطن قلب ٍ كبير
بك يستجير وتستجير
وغيره ابد مالي وطن
واقسم قسم مأتركه
ولا تتركه
حتى ولو جار الزمان
وحطم امل عشنا عليه
بنستمر حتى نجيه
ونشم ريحانة هواه
ووقت الشتاء
نسكن دفاه
تعال نرجع نجمعه
ونرجعه
دامه شراني مشتريه
حتى الزمن لو هو يخون
اقسم بربي ماخون
اقسم بربي مأخون
تدري وش العش الصغير؟!
هو قلبها اجمل وطن !
وتدري وش الحب الكبير ؟!
هذا غلاي اللي سكن
اللي سكن في قلبها
اللي يداعب
نبضها
وانا الخفوق
الي وفا
والي عشق خفاقها
وانا الوحيد الي قدر
يحني شموخ اوراقها
وانا الوحيد الي بنى
فيها المحبه وذاقها
وانا الوحيد اللي عليه
سالت دموع احداقها
وانا غرامي لو كبر
ماذل قلبي فراقها
ابسألك ؟!
تدري وش العش الصغير؟!
وتدري وش االحب الكبير ؟!
ابسئلك ؟!
ابسئلك ؟!
نفرض زمنا ماعطا ؟!
نفرض تحدانا وجفا؟!
في ذمتك حبي يهون ؟!
وترتاح من شوفي العيون؟!

[..{ح ـلآ الكون]

×

رفيع الشّـان ..{

تتـوهـ الكلماتُ هُنــا
وتُبحر لـ تكون خـارجّ النص !
فـ من قرأ ماخطت تلكَ الأنـاملِ بـ الكاد سـ يتوهـ معهـا "
..{ العشُ صغير و الحبُ الكبير لامجالَ لمُجارتهمـا ~
دُمتِ مُبدعـاً كمـا عهدنـاك

حلآوي ll~

×

[شطرطون الحب]

ارفع لك القبعه اخي العزيز

قمة بالاحساس

[داااايموند]

:

لنصك آلبآذخ .. عنوآن { لمعنى نطق البوح


/ وصفت مشآعرك ونبض بوحك بـ عذوبه معزوفه بآ إلحآن هادئه جميله

سلمت إنآملك ودإم بنآنك

بنتظآر نبض قلمك

لروحك إكليل الورد والود



دمت برعآية الله

:

[داااايموند]

:

لنصكِ آلبآذخ .. عنوآن { لمعنى نطق البوح


وصفت مشآعرك ونبض بوحك بـ عذوبه


معزوفه بآ إلحآن هادئه جميله

سلمت إنآملك ودإم بنآنك

بنتظآر نبض قلمك

لروحك إكليل الورد والود



دمت برعآية الله

:

[احلى من القمر..~]

رفيع ..}~



كلمآت .. تبعثرت بـ آلمـ ..


لـ تصيغ لنآ .. آح ـسآس ..

وتسآؤلآت .. وصرخآآت ..


ج ـميل مآخطه قلبكـ آلرآئع ..


دمت لنآ ..

[عـذبـة أنـتـي]

السؤال دوماً له إجابه

وفي بعض الأحيان تتحجر الإجابات بالحناجر

إبداع في صياغة الحرف وتطويعه

دام نبض قلبك قبل حرفك

تحياتي

[مجدولين]

أبحرتُ مع كلماتكَ لشاطئ بعيد ,,,
شكـرا لعذا الإبداع ,,

[سكر زيآده]

رفيع رفيع رفيع رفيع ..
يآرووووووووووعَة إحسَـآسك وكلمآتك ذوووقْ إبدآع ..
كلمآتك على وتر حسآس ..
تقبل مروريْ ولآتحرمنآ جديدكْ آلعذب ..

[حرامي شباصات]

رفيييييييع
مدري وش اقولك خــــــــــانـــــــــي الــــــــتـــــــــعـــــــــبيـــــر

[رفيـ الشان ــع]

ربي يسلم قلبوكم على هالحضور الألقـ

يعطيكم العافيه


تقبلو تحيتي

["حلآآآتي بحركآآآتي"]

رفوووع
دىمن مبدع
ومآنستغرب
هشي منكـ
ننتظر مزيدكـ

[رفيـ الشان ــع]

يامرحباا ومسهلاا

الابداع في طلتك

يسلمك ربي

تقبلي تحيني

[الذووق الرفيع]

حار قلمي ماذا يرد أماما هاذا الإبداع صراحتا و لايسعني سوى قول سلمت وسلمت أناملك ع ماخطت وأبدعت

[رفيـ الشان ــع]

يسلم كلك الذوق الرفيع

يعطيك العافيه على هالحضور الألق

تقبلي تحيتي

[بـ ص ـف الـ ع ـواذل]

رفيع,,

كلامك داعب خفوقي..

.. حروفك .. همساتك..
قليله كلمة مبدع بحقك,,
لاتحرمنا من جديدك,,

}..

[رفيـ الشان ــع]

هدوء انثى

فديت قلبك

يسلمك ربي على هالطله ياكل الذوق

وبلاش غياب بقا يابت

تقبلي تحيتي